يوميات ندى وشادى

موضوع: يوميات ندى وشادى 22/6/2010, 1:03 am

الحلقة الاولى

دخلت الام الغرفه وقالت لابنتها فى هدوء

الام: ندى , يلا روحى اعملى قهوة لبابكى , واسأليهم لو عايزين عصير

قامت ندى من على مكتبها فى تأفف وهى تقول

ندى : يووووووووووووووه ياماما متخلى نسمه هى اللى تعملها انتى مش شايفنى بذاكر

الام: بطلى دلع دلوقتى بقيتى بتذاكرى ؟وخلى نسمه اللى تطلع وبعدين نسمه مبتعرفش تعمل قهوة

ندى: حاضر خلاص هقوم اهه هو مين اللى برة اصلا؟

الام : محدش غريب يعنى دى هاله اختك وهايدى صحابتها وشادى

ندى: شادى مين ؟

الام : شادى الى ساكن فى البرج الاحمر الى قدامنا مش عرفاه ؟

ندى: اهاه فاكراه الواد الغلس القصير دا الى كان بيغلس عليا واحنا صغيرين دا كان شعره طويل وكنت دايما اشده منه وايه دا

هو بقى فى تالته ثانوى امتى ؟ هو قد هاله

الام : ايوة قدها

ندى : وايه الى جايبه النهارده

الام: ماهو كمان مقدم على اختبار القدرات بتاع عمارة فجاى لبابكى يفهمه بالمرة مع هاله وهايدى

ندى : الواد انا فاكراه دا كان رذل رذاله ياماما واحنا صغيرين مع انى اصغر من بسنتين بس كنت اطول منه وكنت دايما بضربه

الام : انتى هتقفى ترغى عشان تضيعى الوقت اتفضلى يلا روحى اعملى القهوة وطلعيلهم عصير وبعد كده هاتيلى انا كمان عصير

واسألى نسمه لو عايزة عصير

ندى : يوووووووه حاضر ماهى نسمه دى الاعداديه بتاعتها هتيجى فوق دماغى مانا فى اولى ثانوى برضه وعندى اربعتاشر ماده

الام: طب اعملى اللى قلتلك عليه بسرعه وانتى تلحقى تذاكرى الاربعتاشر ماده يالمضه

ندى: حاااااااااااااضر

وتوجهت الى المطبخ على مضض وجهزت القهوة وهة تدندن ووضعتها عاى صينيه واتجهت بها حيث ابوها

ندى بابا القهوة

الاب شكرا يانيدو

اخذ والدها القهوة من يديها وبينما التفتت هى تسأل

ندى حد عايز عصير

هاله انا عايزة وهاتى لهايدى كمان عايز ياشادى ؟

التفتت ندى تنظر لشادى لاول مرة واندهشت انه لم يعد الطفل القصير الذى اعتادت ان تضربه لقد رات شابا طويلا بشده يرتدى نظارة

طبيه ذو وجه وسيم اسمر قليلا فتعجبت وقالت دون ان تفكر

ندى : ايه دااااا انت طولت اوى كده ليه دانت كنت ازعه وشعرك

قال الاب ينهرها

الاب : ايه ياندى الكلام دا ؟ مش تفكرى فى الكلام قبل ماتقوليه

ندى : اصله يابابا انا مشفتوش من واحنا صغيرين كان قصير وشعره منكوش و......

قاطعها الاب للمرة الثانيه بينما شعر شادى بالحرج من الوصف حين انخرطتا هاله وهايدى فى الضحك

الاب : فيه بنت رقيقه تتكلم زى الدبش كده جبيلهم عصير يلا وتعالى وبطلى تلبيخ

فشعرت هى بالحرج هذه المرة وذهبت لتفعل مثلما قال لها ابوها فى سرعه ثم عادت لامها

ندى: ماما , ماما انتى شفتى شادى؟ ؟

الام : ايوة يا حبيبتى

مدى : دا بقى شكل تانى خالص ياماما ودا طول اوى ولبس نضارة

الام : مانتى عندك حق مشفتهوش من زمان والله مااعرف كان مختفى فين كل دا

ندى: بس انا لبخت الدنيا واتريات عليه قدامهم

الام : انتى على طول لسانك فالت لما يخلصوا ابقى اطلعى اعتذريله

صمتت قليلا تفكر ثم قالت

ندى: هو اكيد علمى رياضه ولا ايه ؟ هيكون بياخد قدرات عمارة ليه يعنى؟

الام ك معرفش انا بقى انتى مش هتعدى تذاكرى ولا ايه وبعدين فين العصير بتاعى ؟

ندى : اه صحيح نسيت

انطلقت تحضره فى سرعه وهى تفكر فى شكل شادى والذى تغير تماما منذ الصغر

انتظرت ندى بصبر انتهاء والدها من الحديث مع اختها وهايدى وشادى ودخوله غرفته لتهرع للخارج موقفه شادى وهو فى طريقه

الى الباب

ندى : شادى

التفت اليها فى دهشه بينما نظرت هى لاعلى لتنظر لوجهه الذى علته امارات التسؤل

شادى : ايوة فيه حاجه؟

ندى: انا سورى ...سورى لو كنت ضايقتك ولا حاجه

نظر اليها ببرود

شادى : ضايقتينى فى ايه ؟

الاتبكت ندى لبروده وشعرت هى بالاحراج

ندى : يعنى لما قلت انك كنت قصير وشعرك طويل

قال ببرود وهو ينظر الى اختها وصديقتها اللتان تتابعان الحديث فى شغف

شادى: طب مانا كنت قصير وشعرى طويل ايه يعنى ؟

نظرت اليه بدهشه ثم بضيق

ندى: يعنى ان انا قلت كده

شادى : اصلا انا مكنتش قصير انتى اللى كنتى طويله زياده وانتى صغيرة وكنتى مستقويه نفسك عشان طولك

شعرت بالغضب فقالت فى انفعال

ندى: تصدق انت بارد وانا غلطانه انى جيت اتاسفلك اصلا انت فعلا كنت قصير ومنكوش ومش كده وبس كنت غلس وكنت دايما

بضربك هه بقى وضربت بقدمها فى الارض بطفوليه ثم اندفعت للداخل بينما ازداد هو احراجا امام الفتاتين

ولو حد هيتابعها ابقا انزلكم
كل يوم حلقتين اشطاااااااات

موضوع: رد: يوميات ندى وشادى 22/6/2010, 9:20 pm

اشطااااااااااااااااااااااااااااااااات يا ميمااااااااااااااا بالااااااااااااااااااااااااااوى
جامدة موز بس هو بايخ برضو
وهيا بمضة زيادة عن اللزوم

ايوا حطى الباقى يوميات ندى وشادى Icon_biggrin

موضوع: رد: يوميات ندى وشادى 23/6/2010, 1:11 am

والله ندى دى زى العسل اصبرو وشوفو الباقى وانتو تعرفو
وانا حاضرهنزل الباقى بس عندى امل تانى ان حد يقرا الاولى
عشان مش يرجعو يقووولو انتى منزلة كتير

زائر

تسلم ايدك يا ياسو
القصة جامدة اوي بس فين الباقي ؟؟؟؟؟؟؟؟؟؟

موضوع: رد: يوميات ندى وشادى 27/6/2010, 6:57 am

القصه دى اصلا نازلة من زمان ومكنش حد شافها خالص Sad

واوك حاضر هنزل الحلقة التانية

موضوع: رد: يوميات ندى وشادى 27/6/2010, 7:10 am

الحلقة التانية

ندى : بس ياهاله متكلمنيش عنه دا قليل الزوق وغبلا

ضحكت هاله وهى تقول

هاله: مش انتى اللى هزاتيه الاول واترياتى عليه ولالا ؟

ندى: انا مقلتش حاجه غلط هو كان غلس ولسه غلس زى ماهو هو عشان بقى نخله خلاص نسى شكله زمان انا فاكرة اننا عندنا

صور ليه وهو صغير وكان حاطط صباعه فى ودااااااااانه زى الاهبل

انخرطت هاله فى الضحك وهى تقول

هاله: بس متفقوليش الكلام داد ادام هايدى لحسن معجبه بيه وشكلهم بيحبوه بعض اوى كده

يتحرقوه هما الاتنين اهى هى كمان رخمه زيه بالظبط وهو وحش واسمر وبنضارة كمان

هاله : حرام عليكى ده وسيم اوى انتى مخديش بالك منه ولا ايه

ندى: وانا اخد بالى منه ليه انا مبحبش السمر خلاص انا بحب اللى عيونهم ملو نه كمان وخضره ولسه مستوتش

وصمتتا قليلا ثم قالت هاله بشغف

هاله:بس هى صحيح فين الصورة دى اوريهالها

ضحكت ندى وهى تقوم

ندى : قومى قومى ندور عليها فى الالبوم الصور بتاعنا

###############################

تباطئت خطوات ندى السريعه وهى تتوجه نحو المصعد بمدخل بيتها بعد ان كانت مندفعه كعتادتها باتجاهه عائده من درسها

مستوقفه الراكب قبل ان يدخل ويغلق الباب ولكنها توقفت فجاه لانها رأت اللى بيركب الاسانسير

انه شادى فتراجعت قليلا عن سرعتها فالتفت شادى ينظر اليها وتردد قليلا قبل ان يفتح الباب لها

يدعوها للدخول قبله فترددت هى الاخرى وهى تقول

ندى: خلاص اطلع انت

قال بسخريه مخلوطه ببعض الحرج

شادى: هو حموله واحد بس ولا ايه ؟ اركبى دا حتى بتاع بيتكوا انتوا

دخلت وهى تشعر بالحرج فقد علمت انه علك بأمر الصورة التى ارتها لهايدى صديقته وعلمت انها وهاله سخرتا منه فى الحصه

الماضيه وكانت قد تتجنب رؤيته قدر الامكان بعد هذا الموقف

شادى : كيميا وفيزيا؟

التفتت اليه بدهشه

ندى: نعم؟

اشار الى المذكرة بيدها

شادى: كيميا وفيزيا اولى ثانوى طبعا

ندى: الملزمه دى ؟ اه

شادى: صعبين ولا ؟

ندى: زفت

شادى : ميجوش حاجه فى كميا وفيزيا تانيه

ندى : ربنا يظمنك

شادى : ناويه ادبى ولا علمى ؟

ندى: معرفش لسه

صمتا قليلا قبل ان يقول بجديه مفاجئه

شادى : انا كمان عندى صور ليكى وانتى صغيرة على فكرة

احكر وجهها لانه فتح هذا الموضوع فى وسط الكلام عادى وقالت بحرج شديد

ندى : صور ايه ؟

اكمل دون ان يجب

شادى : ومكنش شكلك فيهم ظريف برضوه بس انا مش عيل زيك علشان اردهالك

رفعت عينيها اليه فى دهشه وحلاج وعجزت عن الكلام بينما توقف المصعد فقال وهو يخرج منه

شادى : مع ان شكلك ذكيه بس تصرفت العيال دى بتغطى على ذكائك

وخرج فى هدوء وتوجه الى باب المصعد تاركا اياها فى قمه الحرج وهى تتبعه فى بطء تفكر فيما قاله لها وشعرت بالدم يفور فى عينها

وبالرغبه بشدة فى الرد عليه ولكنها لم تدر بم تجب فأمها فتحت الباب مرحبه به وادخلتع

#######################

مضت الاياك بعد هذا الموقف مع شادى وعلى ندى عاديه فى بادئ الامر كانت متغاظه وترغب فى الانتقام بشده

ثم بعد هذا نست او تناست الامر لان الامتحانات اشتغلتها ,,,,,,, وعلمت بعد ذالك ان هايدى لما تضيع الوقت وارتبطت به لانها

معجبه بيه منذ زمن ولمو يكن مزاحها عليه فى هذا اليوم الا لمجرد لفت انتباهه

ندى : وهى هايدى بتحبه بجد ؟

قالت هاله وهى تجلس على سريرها بغرفتهما بعد ان اطفأت الضوء

معرفش هى بتقول كده بس انتى عارفه هايدى ماشيه عنله تتكلم مع ده وده وخلاص

تصدقى ان شادى اول مرة ياصاحب يانيدو دى غلبت لحد ماخلته ينطق

ندى : ياسلالالالالالالالالالالالام؟

هاله : انتى مخديش بالك ولا ايه ؟ دا واد دحيح دا هيدخل هندسه ان شاء الله من اوسع ابوبها مش زينا

لولا بابا وادعدنى بهديه لو دخلت هندسه زيه مكنتش ذاكرت ابدا

ندى: امال مش باين عليه يعنى

هاله :حرام عليكى دا باين عليه جدا انا كنت فاكراه زيك كده الاول تقيل لانه حلو شايف نفسه وكده بس طلع من العيال اللى بيذكروا

ومش فى دماغهم الحب والكلام ده دا عمرو قالى انه خنييييييق

ندى: هو كان فى مدرسه عمرو ؟

هاله : لا بس كان عارفه من اصحابه يابنتى عمرو اكبر منه

ندى: منا فاهمه الا صحيح هو منزلش اجازة الاسبوع دا ؟

هاله : لاياستى شعره طويل شويه اتحبس الخميس دا

ندى : خليكى انتى اقعدى صدقى تلاقيه نزل اجازة ومقالكيش زى المرة اللى فاتت

هاله : لا انا سالت حجازى اللى فى سنه تالته قالى انه منزلش الاسبوع ده

وباعت معه كمان ورقه طلبات هيجبهاله هو

شدت ندى الغطاء عليها استنيه اسبوع وراه اسبوع

هاله: انا مش فاهمه انتى مش بتححبيه ليه ؟

ندى : انا الى مش عارفه انتى بتحبيه على ايه دا لا شكل ولا منظر ايه يعنى ظاااااااااابط ؟

هاله : انتى غيرانه عشانه بيحبنى جدا وماما كمان بتحبه جدا واول ميتخرج حيجى يخطبنى

ندى : ماتحبيه ولا يحبك انتى حرة اتفلقى بس الواد ده انا بسمع عنه بلاوى من الاخر كده

هاله : مالكيش دعوة انا مش كل ماكلمك نقوليلى البقين دول خلى نصايحك لنفسك

ووضعت الوساده فوق راسها فى عنف ونااااااااااامت

#######################

وقفت ندى مع اختها تتململ وهى متوقفه مع شادى

شادى : اتقدمى الورق فين

هاله: لسه هحط هندسه الاول فى الرغبات اكيد وبعديها الفنون الجميله

شادى : ربنا يسهل لما تيجى تودى الورق يبقى نروح سوا

هاله: دى هايدى هى اللى زعلانه اوى عشان مجموعها شكلها مش حتحصل هندسه

شادى : ممممممممم منا عارف

هاله : ايه مالك انتوا متخانقين ولا ايه ؟

شادى : لا عادى

شعرت ندى بملل فقالت

ندى : يلا بقى ياهاله

شادى : طيب انا همشى بقى عشان متتاخروش

سلميلى على انكل وطنط باى ياندى

قالت بعد انصرافه

ندى : الواد دا رخم بشــــــــــــــــــــــكل

موضوع: رد: يوميات ندى وشادى 18/7/2010, 3:04 am

اشطات ياياسو تماااااموز ياصاحبه القصص الجامده

بس انا بصراحه مش قريتها كلها هبقى شويه شويه كدا

موضوع: رد: يوميات ندى وشادى 18/7/2010, 9:40 pm

عالم كوسليه Very Happy

خلاص ماشى ياوانتد بس ده لسه فيها يجى 50 حلقه كمان هتعملو ايه lol!

زائر

اشطاااااااااااااااات عليكي يا ياسو يا قمر يا صاحبة النشاط الاول في المنتدي
اشطات ع القصص الجامدة

موضوع: رد: يوميات ندى وشادى 24/7/2010, 11:10 am

ميرسى ياميدو ياجميل Very Happy

موضوع: رد: يوميات ندى وشادى 29/7/2010, 11:36 am

اشطااااااااااااااااات ياميماااااااااااااااااااااااااااااا
قصه دماااااااار

موضوع: رد: يوميات ندى وشادى 29/7/2010, 7:15 pm

واشطااااااااااااات يانووووورتى

موضوع: رد: يوميات ندى وشادى 14/8/2011, 10:08 pm

يا ميمااااااااااااااا ياجاااااااااااااامدة...القصة ملهاااااااااااااااااش حل وربنا

ماليش دعوة...كملى القصة عشان اقراها Laughing

موضوع: رد: يوميات ندى وشادى 14/8/2011, 10:20 pm

علشان خاطر نودى حياااااااااااتى هكملها يارب حد يقراها والله تحفه وهتستفادو كتير جدا
ولو حبتوها مش هتكونو عاوزين تبطلو تقروها والى جاى احلى Very Happy

الحلقه الثالثه

هايدي: بارد يا هالة بارد, مبيحسش ولا بيتقل انا مش فاهمة, مش حاسس بيا خالص, من ساعة ما عرف انه هيقبل في هندسة وانا لا خلااااص, قالبني.
تمتمت ندى وهي جالسة على سريرها المقابل لسرير اختها ,تقلب مجلة في يديها .
ندى: انا شايفة ان من قبل ما يقبل كمان.
نظرت هالة اليها بغيظ لتسكت, في حين لم تنتبه هايدي لنبرة السخرية في صوتها.
هايدي: دانا الي على طول بسأل وبكلمه وعايزة انزل اشوفه, وهو مفيش سؤال ولا اهتمام ولا حاجة خالص, ليه كده؟, حاولت اكلمه امبارح واقوله, انت يا بني خليك معايا شوية,زعل مني.
هالة: ياستي يمكن هو كده.
هايدي: طيب ما تسأليه يا لولو, اعرفيلي ماله, انا حاسة انه بيحب واحدة تانية.
تمتمت ندى للمرة الثانية.
ندى: او مبيحبكيش انتي.
نهرتها اختها.
هالة: وبعدين بقى يا ندى.
دفنت ندى وجهها في المجلة وهي تضحك بغير صوت.
هايدي: بصي انتي كلميه بينك وبينه كده, واسأليه.
هالة: لا ياستي انا ماليش دعوة.
هايدي: عشان خاطري.
هالة: والله ما ينفع, انا مش واخدة عليه اوي, وبعدين عمرو يزعقلي.
فالتفتت الى ندى.
هايدي: طب ماتكلميه انتي يا ندى.
اعتدلت ندى وهي تترك المجلة من يديها.
ندى: انا؟.
هايدي: اه , كلميه عادي, انتو عارفينه من زمان, اسأليه , قوليله انا بحس انك مش مهتم بهايدي وكدة.
ندى: اكلمه, دا واد....
وابتلعت كلمة " غلس" بغتة تحت نظرات هايدي الراجية, ثم قالت.
ندى: ماشي, هكلمه حاضر, هاتي نمرة موبايله.
******************
شعرت ندى بالحرج وهي تتصل بشادي تليفونيا بينما هايدي وهالة جالستان بجانبها , ينتظرانها ان تنطق, وعينا هايدي معلقتان بشفتيها.
ندى: الو, ازيك يا شادي,.....انا ندى اخت هالة.
شادي: ندى؟, اه ازيك ياندى ,عاملة ايه؟.
ندى: الحمد لله, انت اخبارك ايه؟.
شادي: تمام,....؟؟؟.
نظرت بطرف عينيها للفتاتين الجالستين امامها تترقبان في قلق, ثم قالت.
ندى: انا كنت عايزاك في موضوع كده.
شادي: تحت امرك.
ندى: بصراحة,... يعني , انا شفت,... يعني سمعت هايدي بتكلم هالة عن انكو اتخانقتو كده باين!!.
شادي: مممم.
هايدي: يعني بصراحة هي كانت زعلانة اوي, فأنا قلت اكلمك اشوف فيه ايه؟, لو فيه حاجة ممكن اقدر انا اعملها.
شادي: ممم , يعني مش هي الي باعتاكي تتكلمي؟.
نظرت الي هايدي في ذعر وهي تقول.
ندى: لا, لا طبعا مش هي الي باعتاني اتكلم.
فوضعت هايدي كفها على فمها , وهي تشير لها بيدها نفيا, وهمست.
هايدي: اوعي.
شادي: طيب, هي هايدي دي صاحبتك اوي كده يعني؟.
تعجبت ندى للسؤال.
ندى: مش... اوي.
شادي: طيب ,..نصيحة مني, احسنلك متصاحبيهاش.
احمر وجهها في ذعر وهي تنظر لهايدي التي اشارت بيدها متسائلة.
هايدي: بيقول ايه؟.
فأشارت لها ندى بيدها ان تصمت , وقالت بحذر.
ندى: ليه كده؟.
شادي: يعني انتي واختك بنات محترمة ومش دي الي تبقى صاحبتكو, دا كلام من اخ بيعزكو يعني.
ندى: ليه كده برضة؟.
شادي: بصراحة كدة هي بنت مدلوقة اوي, وفري شوية, ومبتقولش لأ لاي حاجة.
ندى: ازاي؟.
شادي: يعني جريئة وهي الي جت تكلمني, وبعدها لزقت لزقة غريبة, كل يومين الاقيها جيالي تحت البيت, و على طول مكالمات, بشوفها صدفة في كل حتة, كأنها بتبقى مستنياني, وبعدين ليها اصحاب ولاد كتير اوي, ومسمعتش منهم كلام كويس عنها, لو تقدري بجد ابعدي عنها.
دهشت ندى من الكلام, ونظرت الى هايدي بتعجب, فهمست هايدي.
هايدي: فيه ايه؟, بيقول ايه؟.
فقالت لها هالة.
هالة: يا ابنتي اسكتي هيسمعك.
فعلا صوت همهماتهما وسمعه شادي, فقالت ندى وهي تشيح بيدها لهما في تحذير.
ندى: يعني ايه؟.
شادي: انتي مش عارفة تتكلمي ولا ايه؟,..... حد جمبك؟.
قالت في سرعة مرتبكة.
ندى: لا مفيش.
انصت شادي قليلا , بينما اشارت هي لهما لتصمتا.
شادي: لا ....فيه, لو هايدي هي الي جمبك, قوليلها تبطل حركات العيال دي, ولو عايزة تقولي حاجة تقولهالي بنفسها, مش تبعتلي مراسيل, وعايزة توصليلها الي انا قلته عليها وصليهولها, انا مش هخاف منك ولا منها.
ندى: مفيش حد جمبي صدقني, هايدي مش جمبي.
اتسعت عينا هايدي في ذعر, فهمست هالة.
هالة: مش قلتلك هيسمعك.
شادي: مش مهم, بس فكري في الي قلتهولك كويس يا ندى, انتي بنت كويسة, وهي لو صاحبة اختك مش شرط تبقى صاحبتك انتي كمان.
قالت ندى في استسلام.
ندى: حاضر, ماشي يا شادي عايز حاجة؟.
شادي: لا يا ندى, خدي بالك من نفسك.
ندى: شكرا , باي.
شادي: باي.
واغلقت السماعة وهي تفكر فيما قال, فقالت هايدي في سرعة.
هايدي: ايه قالك ايه؟, عرف اننا جمبك؟.
ندى: لا, شك الاول وبعدين عادي.
هالة: هه, قالك ايه عليا؟.
نظرت اليها في تردد, ثم قالت.
ندى: قال مفيش حاجة, هي بس الي مكبرة الموضوع, هي بس بتحب تبقى موجودة اربعة وعشرين ساعة مبتقدرش ان الواحد بيبقى وراه حاجات تانية, وبتبقى منتظرة ان الواحد يعاملها بالمثل.
التفتت هالة الى هايدي.
هالة: يعني زي ما قلتلك اتقلي عليه شوية, متبقيش مدلوقة زي ما بتعملي دايما, كده بتزهقيهم منك.
هايدي: اعمل ايه يا هالة؟, مش المفروض الي بيحب حد بيحب يسأل عليه ويبقى معاه على طول.
ندى: ايوة معاه, مش على قلبه.
هايدي: بس كده, هو دا الي قاله؟.
ندى: اه, يعني هو قال مفيش حاجة, انتي بس الي حاسة كده, مش عشان هو مبيسألش كتير يبقى مش مهتم.
هايدي: كل دا قاله في الدقيقتين دول بس.
ندي: لا, دا يعني الي فهمته من كلامه.
هالة: عشان تبقي تسمعي كلامي, مش كل ولد تعرفيه تطفشيه كده, اتقلي , اتقلي يابنتي مبتعرفيش تتقلي؟.
ندى: شوفي مين الي بتنصحك.
هالة: قصدك ايه يا ندى؟.
ندى: مانتي برضه بتموتي في حاجة اسمها عمرو مجدي, قالك يمين يمين, شمال شمال, مبتفكريش, ولا بتتقلي ولا نيلة زي ما بتقوليلها.
هالة: بس انا متأكدة ان عمرو بيحبني, هي لسه مش متأكدة من شادي.
ندى: اهو كلام.
هايدي: يا ندى انتي بتتكلمي كده بس عشان لسه مجربتيش, بس لما يجيلك يوم وتحبي, هتعرفي ازاي لما يكون احلى ما على قلبك انك تسمعي كلام الي بتحبيه.
ندى: دا كلام فارغ, حتى لو بحب محدش هيقدر يمشيني.
هالة: اهو انا كنت بقول زيك كده برضه, فاكرة؟, واديكي شايفة.
ندى: عشان انتي عيلة رجعتي في كلامك,بس انا بقى عند كلامي, وبكرة تشوفي.
هالة: بكرة انتي الي تشوفي.

موضوع: رد: يوميات ندى وشادى 14/8/2011, 10:22 pm

الحلقه الرابعه

شعرت ندى بالحرج وهي تقف مع شادي وحدها, في انتظار هالة, بعد ان صادفتاه بمكتب تقديم اوراق الرغبات, فطلبت هالة من ندى ان تنتظرها مع شادي الذي كان قد انهى تقديمه ,وستدخل هي وحدها نظرا للزحام.
وقف شادي يتأملها وهي تتأفف وتنظر بعيدا, فشعر بحرجها.
شادي: انتي مكسوفة تقفي معايا ولا ايه؟.
ندى: لا عادي ,مفيش حاجة.
شادي: شكلك هتضربيني.
ندى: دا العادي بتاعي, ولا نسيت؟.
شادي: هو انتي قلتي لهايدي ايه بالظبط؟.
نظرت اليه ندى قبل ان تجيب في اقتضاب.
ندى: قلتلها تخف عليك شوية , وتبطل تلقيح.
ضحك شادي, وهو يقول.
شادي: قلتيلها تبطل تلقيح؟ , يخرب بيت لسانك يا ندى, دانتي طلعتي مشكلة.
ردت بغيظ, وكأن كلامها موجة له.
ندى: قلتلها اتقلي عليه شوية, مش كده, محدش يستاهل.
شادي: بس الظاهر انها مبتفهمش, لانها زي ماهي, بس جت قالتلي انا الناس بتقولي اتقل عليك, وانا عشان بحبك مش راضية اعمل زي مابيقولولي.
وضحك لما قال, بينما اغتاظت ندى.
ندى: شوف الغبية رايحة تقولك ايه؟.
شادي: بس انتي كدبتي عليا ياندى, هي كانت جمبك وانتي بتكلميني, صح ولا لأ؟.
ردت ببرود.
ندى: ملكش دعوة.
ابتسم في هدوء وهو يتأملها ثم قال.
شادي: انتي مبتطيقينيش ليه يا ندى؟.
ندى: ومين قالك اني مبطيقكش؟.
ابتسم ولم يجب, بل رد بسؤال.
شادي: نمرتك دي الي كلمتيني منها؟.
ردت باقتضاب وهي تشيح بوجهها.
ندى: ايوة.
شادي: انتي داخلة علمي ولا ادبي؟.
التفتت اليه وقد ضاقت ذرعا بأسئلته.
ندى: انت بتسأل كتير ليه؟.
شادي: عادي يعني.
تأففت في ضيق.
ندى: اووففف.
شادي: انتي زهقتي؟.
قالت دون ان تنظر اليه.
ندى: برضه بتسأل.
شادي: طيب خلاص انا هسكت.
وصمتا قليلا.
شادي: انتي اخت صاحبتها مش صاحبتها اوي يعني.
ندى: نعم؟.
شادي: هايدي, انتي مش صاحبتها اوي عشان تخليكي تتكلمي عشان خاطرها, ايه الي خلاكي تكلميني؟.
ندى: محدش خلاني اتكلم.
شادي: يعني انتي كلمتيني من نفسك, قمتي كده جبتي نمرتي من موبايلها وكلمتيني , مفتكرش انك ممكن تعملي حاجة زي كده.
ندى: انت عايز ايه من الاخر؟.
شادي: مفيش.
ثم صمت قليلا, وقال.
شادي: اصل هايدي دي انا مبحبهاش.
نظرت اليه في اندهاش غاضب.
ندى: امال بتكلمها ليه؟, لما انت مبتبحبهاش.
شادي: ما هو مش انا الي بكلمها, هي الي بتكلمني, وبعدين...الي بينا دا مش حب.
نظرت اليه في دهشة.
ندى: امال انتو بتعملو ايه مع بعض؟.
شادي: عادي, بنتسلى.
ندى: ياسلام.
شادي: اه والله.
شادي: وانت بتقولي انا الكلام دا ليه؟.
اشاح وجهه عنها ينظر بعيدا.
شادي: معرفش, اصل انا شايف ان البنت المفروض تبقى تقيلة مش كده يعني.
ندى: تصدق الولاد دول فعلا ميستاهلوش , يعني عشان البنت تعجبكو لازم تديكو بالجزمة, لكن لو بقت زي لخاتم في صباعكو تبقى لزقة ورامية نفسها ومتحبوهاش.
قال بسخرية.
شادي: مش كده اوي يعني.
ندى: وبعدين انت اشفهمك في البنات اصلا؟, هو انت مش دحيح , وملكش في الجو دا, وعاملي فيها شاطر.
ضحك شادي ملء شفتيه , بينما تعصبت هي.
ندى: انت بتضحك على ايه؟, بطل ضحك, فهمني بتضحك ليه؟.
شادي: اصل.., مين قالك اني معرفش بنات؟, هايدي؟.
ندى: انت بتضحك عليا؟.
شادي: ولو مبصاحبش, دا مش معناه اني معرفش في البنات, والله البت هايدي دي غريبة ,يعني لفت كل دا, وبرضه عبيطة.
ندى: تصدق هي صعبت عليا دلوقتي , انها تعرفك, عشان انت فعلا بارد ورخم كمان.
شادي: انتي مش ممكن, لسانك دا مبيبطلش غلط في الناس عادي كده.
تعجبت ندى من نفسها ايضا لانها على غير عادتها قليلة الذوق معه, وكما قال دائما ما تعنفه, وشعرت بوجوده قربها يحرك اسوأ ما فيها.
ندى: الناس الرخمة بس.
وصمتا ثانية.
شادي: تتضايقي لو كلمتك في التليفون؟.
ندى: ليه؟.
شادي: عادي يعني اسأل عليكي.
ندى: ليه؟.
شادي: مترديش سؤال بسؤال, تتضايقي ولا لأ؟.
ندى: هايدي هي الي هتتضايق.
شادي: ماشي, فهمتك.
وصمتا.
شادي: انتي مصاحبة ياندى؟.
قالت بنفاذ صبر.
ندى: وانت مالك؟.
شادي: يمكن عشان كده مش عايزاني اكلمك؟.
ندى: انت عايز مني ايه ؟.
شادي: عادي يا ندى, نبقى اصحاب, ولا انتي مبتصاحبيش صبيان؟.
نظرت اليه ندى في شك, ووصلت اختها قبل ان تجيبه, فعاد هو لتجاهلها كعادته, بينما شعرت هي بالدهشة من تصرفات شادي الغير واضحة.
شادي: هه؟, خلصتي؟.
هالة: ايوة, متأخرتش صح؟.
شادي: ان شاء الله نقبل في هندسة سوا.
هالة: يارب يا شادي, بجد نفسي.
شادي: انتو رايحين فين بعد كده؟, مروحين؟.
هالة: لا, رايحين مشوار وبعدها نروح.
شادي: طيب , انا همشي بقى , يلا سلام.
هالة : سلام يا شادي.
بينما تسمرت ندى تنظر اليه في ضيق, فاشار لها بيده بعد ان التفتت هالة عنه,وضع يده على اذنه, وهو يحرك شفتيه "هكلمك".

موضوع: رد: يوميات ندى وشادى 14/8/2011, 10:24 pm

الحلقه الخامسه

اتصل شادي بندى ليلا, وعجزت هي عن اخبار اختها بذلك, حتى لا تخبر هايدي, ولكنها لم تعرف بعد حقيقة مشاعرها تجاه المكالمة, فشادي غير صريح بتاتا.
شادي: انتي كنتي خارجة النهاردة,صح ؟.
ندى: اه ليه؟.
شادي: اصلي شفتك في سنوبي النهاردة, كنتي قاعدة مع اصحابك.
ندى: انت بتروح سنوبي؟.
شادي: مش كتير, انا واصحابي دايما قعدتنا في سي بريز بس النهاردة قلنا نغير.
ندى: ممممممم, بس كنت قاعد فوق بقى عشان كده مشفتكش.
شادي: اه منا شفتك وانا طالع, بس واحنا نازلين كنتي مشيتي.
ندى: اه ممكن.
وصمت لحظة ثم قال؟
شادي: كنتي امورة اوي على فكرة.
ندى: امورة؟.
شادي: اه, ايه؟, اول مرة حد يقولك انك امورة؟.
ندى: لا , بس انت غريبة يعني منك.
شادي: يا نودي انتي على طول امورة, بس يعني انا شايف ان ليكي اصحاب محجبات كتير, مفكرتيش تتحجبي انتي كمان؟.
ندى: فكرت بس لسه بدري, انا صغيرة.
شادي: مع انك هتبقي زي القمر في الطرحة.
ندى: وبعدين بقى.
شادي: فيه ايه؟.
ندى: بتتكلم في حاجات ملكش فيها.
شادي: امال الي ليا فيه ايه؟.
ندى: معرفش.
شادي: طب بصراحة كدة انتي رديتي عليا ليه؟.
ندى:........
شادي: عشان انا جارك؟.
ندى: طيب انت كلمتني ليه؟.
شادي: عشان انا عايز اقرب منك.
ندى: ليه؟.
شادي: انتي بقيتي بتسألي كتير .
ندى:اتعلمت منك.
شادي: على فكرة انا بحترم باباكي اوي, من وانا صغير وانا نفسي ابقى زيه.
ندى: بابا دا زي العسل كل الناس بتحبه.
شادي: وطنط كمان.
ندى: ممممم.
شادي: انتي عايزة تقفلي ولا ايه؟, زهقتي؟, انتي بتزهقي مني بسرعة على فكرة.
ندى: ازي هايدي؟.
شادي: معرفش, مكلمتهاش بقالي كتير.
ندى: اتخانقتو؟.
شادي: لا, قلتلها احنا محتاجين وقت نبعد عن بعض, عشان نحدد مشاعرنا.
ندى: انت قالبها عشان هي مش هتدخل معاك هندسة؟.
شادي: وهو دا مثلا سبب ان ولد يسيب بنت؟.
ندى: امال مالك بتعاملها كده ليه؟.
شادي: انا كنت فاكرك اذكى من كدة.
ندى: انت مش قلتلي اني ذكية بس حركات العيال بتغطي عليا.
شادي: لا , دانتي قلبك اسود كمان.
ندى: الكلام دا انت قلته ولا لأ؟.
شادي: قلته بس من ورا قلبي.
ندى: شادي,......... اقفل.
شادي: مالك؟.
ندى: معرفش, مش مستريحالك, فاقفل لو سمحت.
شادي: انتي خايفة مني؟.
ندى: انت صاحب صاحبتي, ومينفعش الي انت بتعمله دا.
شادي: ايه ياندى هو انا قلت حاجة؟.
ندى: مقلتش, بس انا مبحبش كده, لف ودوران وهبل, انا مبصاحبش وخصوصا لو كنت انت مصاحب.
شادي: انتي هبلة يا بنتي, وهو انا قلتلك صاحبيني, احنا بنتكلم عادي.
ندى: امال انا مش مطمنالك ليه؟.
شادي: يا نودي اعتبريني اخوكي بما انك معندكيش اخوات ولاد, كويس ان البنت يكون ليها صديق ولد تعتمد عليه وتسأله , ويفيدها, وانا معنديش مانع اكون دا بالنسبة ليكي, انتي عزيزة عليا جدا, ومفيش حاجة في الي بنعمله غلط.
ندى: يعني انت شايف كده.
شادي: طبعا.
ندى: طيب.
ومع نهاية المحادثة بدأ شعورها بعدم الراحة من ناحيته يتغير, بل بدأت تشعر بالارتياح للتحدث معه في امور عادية , ولكنها بعد ان انتهت لم تفكر الا به, وهي تقنع نفسها بانه ليس اكثر من صديق.
********************
دخلت ندى غرفة نسمة اختها دون ان تطرق الباب ,وجلست على السرير في صمت, فاعتدلت نسمة و تركت ماوس الكمبيوتر وهي تلتفت اليها, ونظرت اليها مليا ثم قالت.
نسمة: عملتي ايه؟.
ندى: ...........
نسمة: عملتي ايه يا مصيبة انطقي؟, شكلك كده عاملة حاجة.
ندى: معرفش يا نيسو, انا محتارة اوي.
نسمة: ومادام جيتي تقوليلي انا مجرتيش على هالة حبيبتك تحكيلها ,يبقى الي انتي عاملاه فيها هي.
ندى: مش هي اوي.
نسمة: امال في مين؟.
ندى: نسمة, فاكرة شادي؟.
نسمة: شادي مين؟.
ندى: شادي عبد الحي, الي ساكن في البرج الاحمر, كنا بنلعب سوا في النادي واحنا صغيرين, مش فاكراه؟.
نسمة: اه, القصير ابو شعر طويل, الي مامته كانت دايما سايباهوله زي البنات, دانتي كنتي بتضربيه ضرب.
ندى: ايوااااه, هو ده.
نسمة: ماله؟.
ندى: معرفش, انتي عارفة انه كان بيجي لبابا هنا ياخد درس قدرات عمارة مع هالة؟.
نسمة: لا والله العظيم؟, هو دا الواد الطويل الاسمر الي كان بياخد معاهم؟, تصدقي انا شفته كذا مرة بس مخدتش بالي انه هو.
ندى: هو يا ستي, وهايدي بقت مصاحباه, وبعد كده , خلوني اكلمه عشان كانو متخانقين وهي بتقول عليه بارد, وبعدها قعد يكلمني على موبايلي انا.
نسمة: ليه؟.
ندى: معرفش, بيقولي نبقى اصحاب وانتي محتاجة اخ تعتمدي عليه, وانا الاخ دا, وانا بعزكو انتي واخواتك, وبس,بقى بيكلمني على طول, وانا كمان بقيت بكلمه.
نسمة: كل دا وهالة متعرفش؟.
ندى: منا مش عارفة اقولها ازاي؟, لحسن تقول لهايدي وهايدي تعملها حكاية وتفتكر فيه حاجة وهو مفيش.
نسمة: ممممم, طب وبعدين.
ندى: ماهو بعدين دا الي انا خايفة منه, نسمة, انا حاسة اني معجبة بيه.
نسمة: يخرب عقلك, طب وهايدي؟.
ندى: احنا صحاب وبس, مفيش حاجة, بس انا خايفة اتعلق بيه , هو انا كده بخون هايدي؟.
نسمة: مش عارفة.
ندى: طب اقول لهالة؟.
نسمة: المفروض, عشان لو عرفت بعد كدة هتزعل منك.
ندى: انا مش مطمنة لا ليه ولا لنفسي, انا خايفة احبه يا نسمة , وانا عمري ما حبيت حد.
نسمة: حب ايه وزفت ايه دلوقتي انتي كمان, انتي يا ماما خمستاشر سنة , مستعجلة على ايه, ولا انتي بتقلدي وخلاص, عشان هالة مصاحبة عمرو مجدي من وهي في تانية ثانوي ,يبقى انتي كمان لازم تحبي وانتي في اولى ثانوي.
ندى: ايه الكلام دا, لأ طبعا.
نسمة: انا نفسي تبطلي تمشي وراها, ويبقى عندك شخصيتك انتي بقى , مش كل حاجة هالة بتعملها صح.
ندى: انا مش ماشية ورا هالة, انا مبطيقش عمرو اصلا.
نسمة: نيدو يا حبيبتي , انتي داخلة على ثانوية عامة, ركزي في مستقبلك وسيبك من العك دا, ربنا يهديكي.
وقفت ندى تقول.
ندى: انا غلطانة اني جيت احكيلك اصلا, انتي على طول مقفلاها في وشي كدة, لما نشوف هتعملي ايه في النتيجة بتاعتك يا فالحة.
نسمة: خليكي في نفسك وفي العك بتاعك, بدل ماتتريأي على هالة كل شوية خدي بالك لتقعي وقعتها.
ندى: بس شادي مش زي عمرو, وبعدين انا مش هالة واحنا مفيش بينا حاجة اصلا, احنا اصحاب وبس.
قالت نسمة بسخرية.
نسمة: اصلك ناقصة اصحاب.
فخرجت ندى من الغرفة غاضبة وشاعرة بالذنب في نفس الوقت.

موضوع: رد: يوميات ندى وشادى 15/8/2011, 3:10 pm

اشطااااااااااااااااااااااااااااااااات عليكى ياميمااااااااااااااااااااا....كمان كمان..انا مش ورايا حاجة...نزلى الحلقة السادسة والسابعة بقا Laughing

موضوع: رد: يوميات ندى وشادى 15/8/2011, 5:26 pm

حاضر يانودى

موضوع: رد: يوميات ندى وشادى 15/8/2011, 5:29 pm

الحلقه السادسه

جلست ندى في الكافية مع هايدي وهالة وصديقاتهما , وهي تسترق السمع لحديثهما, محاولة ابداء اللا مبالاة على وجهها, مع انها تفور من الداخل.
هالة: يعني المهم اتصالحتو ولا لأ؟.
هايدي: اتصالحنا, بس هتجن منه يا هالة,لسه زي ماهو, بارد برضه.
هالة: خلاص , يبقى هو كده فعلا.
هايدي: لا, انا شاكة في حاجة تانية.
هالة: ايه؟.
هايدي: فيه واحدة تانية.
امتقع وجه ندى في شدة وهي تسمع.
هالة: واحدة تانية ازاي يعني؟.
هايدي: معرفش, بكلمه باليل كتير الاقيه مشغول, واما اقوله بعد كده يقولي انا ببقى نايم, يمكن اخويا بيتكلم من موبايلي.
هالة: بجد؟.
هايدي: اه والله, بس انا حاسة انه بيكلم واحدة تانية.
هالة: يا بنتي دا هو كلمك انتي بالعافية, بيعرف يكلم واحدة تانية ازاي؟.
هايدي: معرفش يا هالة, انا هتجنن منه, انا حساه مش واضح وحكاية انه ميعرفش بنات دي ,حكاية كده هو راسمها عن نفسه.
هالة: مممم, واخبار محمد ايه؟.
هايدي: اهو محمد دا الي حكايته حكاية, امبارح يا ستي كلمني تاني, يقولي اسف, وانا عارف اني غلطت في حقك, وانا لسه بحبك, وعرفت قيمتك , واديني فرصة, وفكري, ووحياة الي ما بينا, وكدة بقى.
قالت ندى في راسها" يخرب بيـــــتك هو فيه محمد كمان؟؟؟".
قالت هالة في استهجان.
هالة: هو رجع تاني؟.
هايدي: اهو موال كل صيف, السيزون بتاع البرنس حمادة , كل ما يسيب امنية زفت بتاعته دي ,يرجع يقولي انا بحبك وانا اسف, بس انا تعبت فرص يا هالة.
هالة: انتي بتفكري فيه لسه؟.
هايدي: معرفش, والبارد التاني الي معايا دلوقتي مش مديني فرصة انسي بيه حد, هيجنني هو كمان.
هالة: طيب ولو محمد بجد عايز يرجع المرة دي وندمان, هتعملي ايه؟.
هايدي: مش عارفة.
قالت هالة ممازحة.
هالة: دا حمادة يا هايدي, الحب الحب والبلوبيف بلوبيف.
هايدي: الله يخليكي يالولو متفكرنيش لحسن قلبي بيوجعني, ماهو انا لو مكنتش زي الهبلة كده كل مايكلمني ارجعله, كان زماني مستريحة.
هالة: والله شوفي دماغك, بس يرجع بشروطك بقى مش زي كل مرة.
هايدي: ليه هو انا هبلة؟, طبعا المرة دي يعرف حدوده بقى.
اخذت ندى تفكر فيما قالتا, ولم تعد تشعر بالندم كما في باديء الامر , بل شعرت بالاندهاش, ان الامر عادي, كما قال لها شادي, انهما لايحبان بعضهما البعض, لم هما معا اذن؟؟.
******************
شادي: بس انا فرحان اوي اني دخلت هندسة مع هالة.
ندى: عشان هندسة ولا عشان هالة؟.
شادي: لا, هندسة كده كده انا كنت داخلها, بس عشان اختك معايا.
ندى: ايه الغرور دا؟, في حاجة اسمها انا كده كده داخلها.
شادي: دا يعني بعد توفيق ربنا.
ندى: بعد ايه ,مانتا خلاص قلتها.
ثم قالت.
ندى: انت لسه بتكلم هايدي؟.
شادي: يعني.
ندى: مممم.
شادي: بصراحة انا عايز اسيبها بس مش عارف.
ندى: ليه؟.
شادي: ......اصل انا معجب بواحدة تانية.
قالت ندى بذعر.
ندى: الله يخرب بيتك, انت يا بني مش مركز ليه؟, يا تسيبها يا تبقى معاها, مينفعش تبقى معاها ومع واحدة تانية.
شادي: انتي خايفة عليها كده ليه؟.
ندى: عشان انت مش بني ادم صريح يا شادي, اي واحدة معاك تبقى خايفة على نفسها.
صمت لحظة ثم قال بصوت خافت.
شادي: طب ولو قلتلك ان الي انا معجب بيها دي انتي, ابقى مش صريح برضة؟.
صمتت ندى ,وقد تفاجئت بما قال.
شادي: انتي اتخضيتي ليه؟.
ندى: انت بتقول ايه؟.
شادي: بقول اني معجب بيكي يا ندى.
ندى: منا سمعت.
شادي: فمعرفش بقى موضوع هايدي دا انا عايز اخلصه, عشان انا اصلا حاسس انها هي كمان عايزة تخلصه.
ندى:...........
شادي: ندى انتي محسساني انك متفاجئة ليه؟, انا مكانش باين عليا للدرجة دي؟.
ندى: معجب بيا انا؟.
شادي: وانتي كمان معجبة بيا ,متنكريش.
شعرت بالذعر, كيف عرف؟.
ندى: شادي؟, ايه الكلام دا؟.
شادي: انا بحس كتير في كلامك انك مهتمة, ودي حاجة بسطتني اوي يا ندى,وجرأتني اني اقولك الكلام دا,انا بجد كان نفسي اقابل شخصية زي شخصيتك دي من زمان.
شعرت ندى بالسعادة والدهشة والحرج في ان واحد ولم تدر بم تجبه, فقالت في تلعثم.
ندى: بس....بس انا ....مبصاحبش.
شادي: واهي دي اكتر حاجة عجبتني فيكي, انك مؤدبة, وكمان فيكي حاجة حلوة اوي ,انك مبتفكريش في الكلام قبل ما بتقوليه, الي في قلبك على لسانك على طول, انتي مفيش منك اتنين دلوقتي, انتي عجباني اوي.
ندى: بس يا شادي.
اكمل شادي متجاهلا طلبها.
شادي: حلوة وظريفة وبنت ناس, وشخصية دماغك شغالة , هو مش دايما صحيح بس شغالة يعني, وانا بحب اتكلم معاكي.
نهرته بعد ان شعرت بقلبها يدق بعنف.
ندى: قلتلك بس يا شادي, انت صاحب صاحبتي, عيب الي بتقوله دا, انت قلتلي ان احنا هنبقى اصحاب مش اكتر, بس اكتر من كده, مينفعش, ...يخرب عقلك, دي هالة لو عرفت هتموتني.
شادي: ليه؟, هي مش هالة مصاحبة عمرو مجدي باين؟, اشمعنى انتي؟.
ندى: مش عشان كده, عشان هايدي يا ذكي.
شادي: انتي يعني مش عايزاني عشان خاطر هايدي, طب والله العظيم يا ستي هايدي ما بتحبني, ومتخافيش عليها اوي كده.
صاحت به.
ندى: شادي, انت مجنون, انا مش عايزة اصاحب اصلا, متلعبش في دماغي, انا لسه صغيرة, ولو اضطريت في مرة يبقى عشان انا بحب البني ادم دا بجد, مش عشان اصاحب كده وخلاص.
وشعرت بكلام نسمة يدور في عقلها.
شادي: وانتي هتحبيه ازاي من غير ما تقربي منه؟, انا كنت فاكرك زكية.
ندى: يووووه يا شادي بقى, اقفل الموضوع دا, خلاص.
شادي: انتي يا بنتي انتي طاقة ولا ايه؟, موضوع ايه الي اقفله, مش لما تديني سبب اصلا انك مش عايزاني.
ندى: .........
شادي: انتي شكلك هبلة مش زي ما كنت فاكر, يا ندى من الاخر كده انا شكلي هحبك, متخلنيش ارجع في كلامي.
ندى: انت بتهددني؟؟.
قال باستياء.
شادي: انا كنت عارف انك عيلة وهتخافي.
دهشت من تراجعه , وغضبه.
ندى: شادي.
شادي: خلاص يا ندى اقفلي, تصبحي على خير, خدي بالك من نفسك.
هتفت به.
ندى: شادي , استني.
شادي: استني ايه بقى مانتي بتهزئيني كأني متصل اشتمك, انا مكنتش عايز اقلك اصلا, انا غلطان اني قلتلك.
ندى: ليه غلطان؟.
قال بصدق.
شادي: عشان كنت عارف انك هتتريأي عليا ,وهتعيشي الدور وترفضيني.
ندى: تقوم انت كرامتك تخليك تقفل, دا ايه دا؟, هو مش المفروض الي بيعوز حاجة بيدافع عنها؟.
شادي: مانتي ياندى مش طايقالي كلمة.
هدأت ندى قليلا.
ندى: خلاص يا سيدي ,والله مازعلانة منك.
شادي: اهو عشان كده انا مبحبش اكلم بنات, كل واحدة من دول بتبقى عايزة تعمل ميدالية تعلق فيها اسم كل واحد حبها, وتتغر وتتنطط , وانا بقى كله الا كرامتي.
ندى: دانت بجد شايف نفسك.
شادي: انتي بتهذري؟.
ندى: لا خلاص خلاص, سوري.
ذفر ليستعيد هدوئه.
شادي: طيب ياندى, شوفي دماغك , وانا مش بتحايل على حد, انا عارف ان البنات بتحب الزن والحاجات الهايفة دي, بس انا بجد عايزك, بس لو انتي مش عايزة, انا مش هغصب عليكي.
ندى: طيب.
شادي: باي باي, خدي بالك من نفسك.
ندى: حاضر.
شادي: سلام.
ندى: سلام.
واغلقت الخط وهي تفكر فيما قال , وعادت من الصالون ووقفت امام باب غرفة نسمة, وترددت قليلا, ثم قررت دخول حجرتها هي وهالة.
ندى: هالة ,انتي نمتي؟.
هالة: لا.
والتفتت وهي تضع هاتفها من يدها, تنظر الى ندى الحمراء الوجة في دهشة.
هالة: ايه دا يابنتي؟, انتي شبة الطماطماية ليه؟.
ندى: هالة, بصراحة كده, انا عايزة احكيلك حاجة, بس متزعقليش.
هالة: اتفضلي يا ستي.
ندى: عشان خاطري متزعليش مني.
هالة: ماتحكي اخلصي.
جلست ندى على السرير في تردد, وجمعت الافكار في رأسها ثم حكت لاختها الكبرى كل شيء.

موضوع: رد: يوميات ندى وشادى 15/8/2011, 5:30 pm

الحلقه السابعه
هالة: حركة وحشة اوي منكو انتو الاتنين, يعني هايدي دلوقتي لما تعرف هيبقى منظرك ايه؟.
ندى: معرفش.
هالة: وانتي مقلتليش ليه من الاول؟.
ندى: خفت تزعلي.
هالة: ازعل منك عشان صاحبتي؟, يابنتي انتي اختي, وهي كمان مش حب عمرها شادي دا مثلا,...المهم قوليلي, هو قالك بحبك؟.
ندى: لا.
هالة: امال؟.
ندى: قالي انا كان شكلي هحبك.
هالة: يعني بحبك بس باستهبال شوية.
ندى: معرفش يا لولو, انا اعمل ايه بقى؟.
هالة: سيبك من هايدي, انتي بتحبيه؟.
ندى: معرفش.
هالة: ازاي متعرفيش, انتي معجبة بيه؟.
ندى: ايوة,اوي, وقلبي قعد يدق لما قالي انا معجب بيكي, بس هو غريب يا هالة, كان بيقول الكلام بالعافية, ولما لقاني هقفل عليه في الكلام اتقمص.
هالة: بس المهم انه نطق, اصل الصبيان الي كرامتهم بتوجعهم دول بيبقو كده, يبقى الولد شايف نفسه, وشايف انه يحب البنت من بعيد احسن عنده من انه يروح يصارحها وهي تتنك عليه.
ندى: انا خايفة يا لولو, يعمل فيا زي ما عمل في هايدي,ولو حبيته يسيبني ويحب واحدة تانية.
هالة: يا حبيبتي هو وهايدي اصلا مكانوش بيحبو بعض, وبيني وبينك كده, هايدي اصلا بتحب واحد تاني اسمه حمادة السلموني, وتقريبا كده رجعو لبعض دلوقتي.
ندى: يعني ايه؟.
هالة: يعني لو عايزاه يا نيدو دوسي, سيبك من هايدي, ولا يهمك, سبيها عليا.
دخلت نسمة في هذه اللحظة ,فالتفتتا اليها وصمتتا, فتوقفت تنظر اليهما في شك.
نسمة: مالكو, اتخضيتو كده ليه؟,انا داخلة اجيب الفلاشة.
قالت هالة بمزاح.
هالة: خليكي قاعدة قدام الكمبيوتر طول اليوم زي المتخلفين.
ندى: هما المتخلفين الايام دي الي بيعدو قدام الكمبيوتر, امال الي زيك بيقولو عليهم ايه.
*************************
ندى: هاخد بيولوجي عند مستر مدحت الي بيدينا في المدرسة.
شادي: انتي برضه لسه مصممة, يا بنتي خدي الكيميا الاول, عشان لو منفعش علمي علوم تكملي رياضة.
ندى: قلتلك مبحبش الرياضة, انا عندي احول ادبي ولا اخد رياضة اتنين دي, دي كانت هالة بتصوت منها.
شادي: امال هتدخلي هندسة ازاي؟.
ندى: ومين قال اني عايزة هندسة.
شادي: .........وليه مش عايزة هندسة؟.
ندى: مبحبهاش, وبعدين كفاية اتنين مهندسين في العيلة, دا بابا لو عليه يطلعنا كلنا مهندسين زيه.
شادي: والله الراجل عنده حق,.......هو انتي نازلة الساعة كام؟.
التفتت ندى تنظر الى الساعة المعلقة خلفها, فلمحت هالة مقبلة وقد انهت ارتداء ملابسها.
ندى: حالا اهه, هالة خلصت.
شادي: طيب خدي بالك من نفسك, ورنيلي لما تروح.
ندى: اوكاي, عايز حاجة؟.
شادي: لا شكرا, سلميلي على هالة.
ندى: حاضر, باي.
شادي: باي.
واغلقت الخط وهي تلتقط حقيبتها فقالت هالة.
هالة: شادي؟.
ندى: ايوة.
وخرجتا من المنزل واستقلتا المصعد.
هالة: مفيش جديد؟.
ندى: لا.
هالة: مكلمكيش في حاجة تاني؟.
ندى: لا, بس احنا بنتعامل عادي.
هالة: عادي ازاي بقى , دا بيكلمك قبل ما ينزل, واول ما بيرجع, وبترنيله وانتي نازلة, وبتعرفيه لما ترجعي, وعلى طول مكالمات, لا واللون دا بيبقى وحش عليكي يا ندى متلبسيهوش تاني, لا البادي دا مفتوح, منين مفيش حاجة بقى؟.
ندى: ماهو مش انا الي هروح اسأله, اقله انت نسيت الموضوع الي فتحته معايا ولا ايه؟, هو ومنطقش من يوميها حاجة, اعمله ايه يعني.
هالة: بس خلاص انتو كده بتتعاملو معاملة مرتبطين.
ندى: وايه المشكلة؟.
هالة: يعني انتو كده مرتبطين ولا لأ؟, انا مش فاهمة.
ندى: ولا انا والله, بس انا مبسوطة كدة.
هالة: طيب, انتي حرة, مادام مبسوطة.
*****************
اغلق شادي الخط مع ندى وشرد قليلا, فقال صديقه وهو يقود السيارة.
سامح: ايه ياعم, كل دا كلام, هايدي برضه, انا مش قلتلك اخلع , مش هتسلك معاك البت دي.
التفت شادي اليه يقول.
شادي: لا مش هايدي, هايدي ايه وبتاع ايه, جيبلي سيرة عدلة وحياة ابوك.
سامح: امال مين الجو؟.
شادي: دي جارتي ,بنت المهندس الي كنت باخد عنده القدرات.
سامح: مين؟, صاحبة هايدي؟, مش دي الي مظبطة مع عمرو مجدي الي في فنية عسكرية, هو حلقلها ولا ايه؟.
شادي: مش دي, اختها بقى, الصغيرة, الي في اولى ثانوي.
سامح: وانت جاي تعيل على اخر سنة, مش قلنا خلاص بقى, شغل ثانوي دا ننساه, احنا داخلين على الكليات , يعني, هنشوف اشكال جديدة بقى.
شادي: وايه المشكلة؟, البنت حلوة, وعجباني, وبيني وبينك, انا شكلي بحبها.
سامح: هي وصلت لبحبها, طيب يا سيدي ربنا يكرمك,وانت بقى خلاص مظبط معاها.
شادي: والله مش عارف, انا لغاية دلوقتي معرفش هي حاسة نحيتي بايه, بس احنا شبه متصاحبين يعني.
سامح: طيب يا سيدي, دوس.
شادي: منا دايس انت عارفني.
سامح: ماهو انا لو مش عارفك مكنتش قلقت عليك, انت من امتى بتكلم بنات, ما طول عمرك هما الي بيجو لحد عندك يكلموك, وكنا احنا نعد نتحرق دمنا, وانت تتنك عليهم, وهما زي الصواريخ, وتيجي يعني عند عيلة وتقول معجب بيها, انا مستغربك.
شادي: انا نفسي مستغرب نفسي.
سامح: هي حلوة اوي للدرجة دي؟.
شادي: لا , حلوة بس عادية.
سامح: يبقى اكيد شخصيتها جامدة.
شادي: بالعكس, دي عبيطة جدا, ولسانها فالت.
سامح: الله, امال ايه الي وقعك فيها.
شادي: تصدق لو قلتلك معرفش, انا لقيتني مرة واحدة بتشد ليها.
سامح: ااااه, ربنا يستر عليك يا معلم, انت لازم بقى تتأكد هي بتحبك ولا لأ, لانك ضعت خلاص.
شادي: تفتكر هي مبتحبنيش؟.
سامح: انت هتسألني انا ليه؟, اسأل نفسك.
شادي: بس هي كل تصرفاتها بتدل على انها بتحبني.
سامح: برضه لازم تتأكد, مش يمكن انت شايف غلط.
شادي: تفتكر.
سامح: معرفش.
عاد شادي يشرد في قلق وهو يفكر, هل تحبه ندى حقا, ام انها اعتادت عليه

موضوع: رد: يوميات ندى وشادى 15/8/2011, 5:32 pm

الحلقه الثامنه
ندى: اصلا نسمة دي غريبة, من كام يوم دخلت عليها الاوضة لقيتها بتجرب ايشربات وبتقول ناوية تتحجب, قعدت اتريأ عليها.
شادي: وايه المشكلة؟, البنت عايزة تتحجب تتريأي عليها ليه؟.
ندى: انت عارف هي عندها كام سنة, اربعتاشر يابني اربعتاشر.
شادي: هو بالسن؟, وبعدين لما تلاقي حد بيعمل حاجة كويسة متحبطيهوش.
ندى: هي حرة, هتبقى ماشية معانا شكلها مامتنا.
شادي: طيب ما المفروض انتي كمان تتحجبي انتي وهالة ونسمة.
ندى: انا؟, انا اتحجب دلوقتي اصلا؟, ليه, انا لسه صغيرة.
قال شادي في شيء من الحدة.
شادي: ايه صغيرة دي الي على لسانك على طول؟, لا , انتي مش لسه صغيرة والمفروض تتحجبي, وتعدلي لبسك الفظيع دا بقى.
قالت بعصبية.
ندى: انت بتتعصب عليا ليه؟,وانت مالك اصلا, وبعدين انا حرة اتحجب متحجبش, انت ايه يدخلك في حاجة زي كده؟.
شادي: ماهو الحق مش عليكي, الحق على اهلك الي سايبينك ماشية لبسك زي الزفت ,الي رايح والي جاي بيبص عليكي.
صاحت به ندى.
ندى: انت ازاي تكلمني كدة؟, انت اتجننت؟.
زفر شادي وتمالك اعصابه قليلا ثم قال.
شادي: عشان انتي تهميني يا ندى.
اكملت بنفس الغضب.
ندى: برضة متأمرنيش, انت ملكش اي حق تتدخل في هدومي.
شادي: انا محبش ان حد يبص عليكي بصة زيادة عن اللزوم, محبش حد يبص عليكي اصلا من اساسه .
ندى: ياسلام, وليه كده يعني؟.
قال بتسرع.
شادي: عشان انا بحبك.
تلجمت ندى تماما مما قال, لانه فاجأها بالكلمة وسط نقاش عادي.
ندى:...........
فأكمل هو بنفس الطريقة المتسرعة.
شادي: وبغير عليكي من اي حيوان ممكن يبص عليكي .
ندى:............
شادي: ياندى متستعبطيش انتي سمعتيني, انا بحبك ايوة, والي بقلهولك دا عشان مصلحتك, انا عايزك تظبطي لبسك دا شوية, انتي مش صغيرة زي ما بتقولي.
قالت بذهول.
ندى: انت بتحبني؟؟.
شادي: ايه الغريب في دا يعني؟, امال انا بكلمك ليه؟.
ندى: بتحبني ازاي؟.
شادي: هو ايه الي ازاي؟, بحبك زي ما الناس بيحبو بعض يا ندى, بحبك انتي, انتي ياعبيطة انتي.
ندى: بس انت عمرك ما قلتلي قبل كده انك بتحبني.
شادي: انا كنت فاكرك زكية, انا كل تصرفااتي كانت بتدل على كده, يا ندى يا حبيبتي انا عمري ما رحت اكلم بنت في حياتي, مش انا الي كنت بروح اعملها ابدا, انا جيت اكلمك انتي, انتي مستغربة ليه؟, دانا الي المفروض استغرب.
ندى: يعني ..........هو احنا كدة مرتبطين؟.
شادي: .....معرفش.
ندى: مانا كمان معرفش.
شادي: بس انتي بتحبيني صح؟.
ترددت ندى قبل ان تقول.
ندى: معرفش.
شادي: ماهو انتي ياهبلة يا اما عليكي عفريت اسمه معرفش, يعني هو مين الي يعرف اذا كنتي بتحبيني ولا لأ؟.
ندى: منا مش عارفة.
شادي: اه ياندى اه, شكلك هتطلعي عيني معاكي, انتي عبيطة يا بنتي؟, الي بيحب حد مبيعرفش هو بيحبه ولا لأ ازاي؟.
ندى: ماهو انا عمري ما حبيت قبل كده.
شادي: ولا انا.
ندى: يا سلام, كداب طبعا.
شادي: طب اقسم بالله ما حبيت قبل كده, انا مكنتش فاضي بجد, انا اهم حاجة عندي في الدنيا دي, امي, ودراستي, مفيش حاجة بعد كده.
ندى: اشمعنى؟.
شادي: معرفش, من زمان وهي نفسها ابقى مهندس, قلت طب والله العظيم لاكون مهندس, وبعدين هاني اخويا في الضياع, يعني هو اد نسمة دلوقتي, بس ولا عمره بص في كتاب اكتر من خمس دقايق.
ندى: وباباك؟.
شادي: لا, بابا ميفرقش معاه انجح ولا اسقط , مش في دماغه التعليم, دايما يقولى, كانو خدو ايه المهندسين يعني, اهم ملقحين مش لاقيين شغل.
ندى: طب ليه الاحباط دا؟.
شادي: دا العادي بتاع بابا, بس يا ستي, دلوقتي بقى عندي حاجة كمان اهم.
ندى: ايه دي؟.
شادي: حضرتك.
ندى: اه , انا يعني.
شادي: هو انا مش مهم عندك ولا ايه؟.
ندى: لا مهم طبعا.
شادي: زي اخواتك ولا .......؟.
ندى: لا, اقل شوية.
شادي: ايه دا الظلم دا؟.
ندى: مش انت قلت انا تالت حاجة مهمة بالنسبة لك, معلش ممكن تكون انت رابع حاجة مهمة عندي, بعد هالة وماما وبابا ونسمة.
شادي: ماشي يا نودي انا راضي.
ندى: بس انت بجد بتحبني ولا بتضحك عليا, زي الصبيان ما بيضحكو على البنات؟.
ضحك لسذاجتها.
شادي: وهو انا لو بضحك عليكي زي الصبيان كنت هقولك انا بضحك عليكي, انا ساعات بحس انك شاربة حاجة, بحس ان انا بكلم طفلة.
ندى: طيب ماهو انت ممكن تسيبني زي ما سبت هايدي.
شادي: وهوانتي زي هايدي؟, هايدي دي مصيبة لوحدها.
صمتت ندى ثم قالت بسذاجة.
ندى: بس انا خايفة لكون بحبك.
شادي: ليه كده يا ندى؟.
ندى: عشان ,...انا مكنتش عايزة احب .
شادي: ليه هو انتي مش بنت؟, ما كل البنات الي في الدنيا بيحبو, اسألي اي واحدة صاحبتك, وهتلاقيها مرتبطة وبتحب, اشمعنى انتي يعني.
ندى: ماهو انا مش عايزة ابقى زي حد.
شادي: لا ياحبيبتي مش هتبقي زي حد, احنا قصة حبنا هتبقى غير كل الناس.
ندى: اوعى تكون بتشتغلني يا شادي.
شادي: احنا الي بينا لازم يكون مختلف عن اي حد في الدنيا, لازم.

موضوع: رد: يوميات ندى وشادى 15/8/2011, 5:34 pm

اشطاااااااااااااات عليكى...انتى كده فلة وشمعة ومنورة كمان....نزلى اللى بعده Laughing

موضوع: رد: يوميات ندى وشادى 15/8/2011, 5:38 pm

لما تخلصى يانودى قوليلى

موضوع: رد: يوميات ندى وشادى 15/8/2011, 5:39 pm

الحلقه التاسعه

نادت والدة ندى عليها بعد ان انهت المكالمة, فألقت بالهاتف جانبا وتوجهت اليها في المطبخ.
ندى: ايوة يا ماما.
الام: تعالي يا حبيبتي حضري معايا العشا.
ندى: ما نسمة تقوم تحضر معاكي.
الام: انتي يا بنتي مالك ومال نسمة؟, وبعدين انا طلبت منك انتي.
ندى: يوووه, حاضر.
وتوجهت الى الثلاجة وفتحتها.
ندى: اطلع ايه؟.
الام: متطلعيش حاجة, قطعي طماطم صغيرة للشكشوكة وكبيرة للجبنة.
ندى: اووف ,حاضر.
وقامت تعمل في ضجر.
ندى: اخيرا رحمتينا من التونة بتاعة الرجيم بتاعك, يعني انتي بتعملي ريجيم احنا مالنا.
الام: مش تشجعوني يا ولاد, ولا انتو بس تعدو تقوليلي تخنتي وتتريأو عليا.
ندى: انتي مش بتروحي جيم, كفاية عليكي, وبعدين فين دا الي تخنتي انتي رفيعة اصلا, مشفتيش مامة نهلة صاحبتي ولا مامة هايدي.
وساد صمت ,فقالت الام بعد فترة, دون ان تلتفت لابنتها.
الام: انتي كنتي بتتكلمي في التليفون؟.
ندى: لأ ,في الموبايل.
الام: وكنتي خارجة من اوضتك ليه؟, متكلمتيش جوة ليه؟.
ندى: عادي يعني.
الام: ممممم, ولا عشان نسمة قاعدى جوة؟.
قلقت ندى لتساؤلات الام.
ندى: عادي يا ماما.
الام: انتي كنتي بتكلمي مين؟.
قالت ندى بعصبية.
ندى: ومن امتى بتسأليني يا ماما؟.
الام: وانتي من امتى بتردي عليا سؤال بسؤال؟.
فصمتت ندى وهي تقطع الطماطم في توتر.
الام: كنتي بتكلمي شادي؟.
ندى:...........
التفتت الام تنظر اليها.
الام: قوليلي يا حبيبتي ,احنا مش اصحاب؟.
ندى:...........
الام: انتي مش عايزة تحكيلي ليه؟, انا مش طول عمري صاحبتكو يا بنات وطول عمركو بتحكولي كل حاجة.
ندى: هي لحقت؟.
الام: هي مين.
ندى: هالة هانم, الي مبيتبلش في بقها فولة, قوام جريت عليكي تقولك.
الام: انا هالة مقالتليش حاجة, انا الي استنتجت لوحدي, وبعدين حتى لو قالتلي مش من حقي يعني اعرف انتي بتعملي ايه؟.
قالت بحدة.
ندى: انا مبعملش حاجة.
فصمتت الام قليلا ثم عادت تقول بهدوء.
الام: وانتو بتتكلمو اصحاب عادي؟, صح؟.
ندى: اقلك بنتكلم في ايه كمان؟.
نظرت اليها الام في تفحص بينما اخذت هي يداها تحتدان في التقطيع.
الام: ولما انتي مبتعمليش حاجة, قاعدة تهربي من كل سؤال بسألهولك ليه؟.
وعادت لتحضير العشاء, بينما لم ترفع ندى عينيها عن الطماطم, حتى انهتها, وبينما هي تعطيها لامها, قالت الام.
الام: على العموم شادي ولد كويس ومؤدب وعارفينه, وانا عن نفسي بحبه.
تمتمت ندى وهي تخرج من المطبخ.
ندى: على الاقل احسن من عمرو مجدي الي طايرنلي بيه السما.
*******************
"ندى برضه؟؟؟"
فزع شادي على صوت امه الغاضب من خلفه, فالتفت.
شادي: ماما؟, انتي واقفة ورايا من امتى؟.
تجاهلت الام السؤال وهي تقول بغضب.
الام: انت مش قلتلي مبتكلمش بنات اليومين دول, وخلاص سبت البت الصايعة الي اسمها هايدي زي ما قلتلك, ايه بقى حكاية ندى دي ان شاء الله؟, انت ناوي تضيع نفسك وانت لسه مدخلتش الكلية, ماهو هندسة وبنات مينفعش, روح بقى حولك تجارة ولا حقوق, واعرف بنات زي مانت عايز, لكن عايز تفلح في كليتك يبقى تنسى البنات خالص, انت عايز تضيع كل الي انت عملته طول عمرك.
لم يندهش شادي من شلال التعنيف الذي انهال عليه,فقال يحاول شادي استمالة والدته.
شادي: مفيش حاجة يا ماما بينا صدقيني, انا مش عايز اضيع الي انا عملته ولا حاجة, وبعدين انتي عارفاني, مفيش حاجة عندي اهم من مذاكرتي.
الام: مش باين, انا كل يومين الاقيك بتكلملي بنت , مش تكبر وتعقل بقى , انت مبقتش صغير.
شادي: بس ندى انتي عارفاها.
الام: ايوة عارفاها مش بنت المهندس الي قدامنا, الي اختها ماشية مع الواد الصايع الي بيجي كل خميس بالعربية يشغل كاسيت تحت البيت, دول اشهر من نار على علم.
شادي: بس ندى غير اختها خالص, دي مؤدبة ومتربية.
الام: ولما هي مؤدبة ومتربية , بتكلمك ليه في التليفون, بنات اخر زمن, يبقو مؤدبين وهما بيكلمو الصبيان في التليفون.
قال شادي في شيء من اللوم.
شادي: بس يا ماما متقوليش عليها كده.
الام: كمان بتدافع عنها, انت عايز تنقطني.
قال في نفاذ صبر.
شادي: يعني انتي عايزة ايه دلوقتي؟
الام: انا عايزاك تفوق لنفسك , وتنسى البنات والقرف دا, انت بتعمل مستقبلك, وانا مش هخلي حد يضيعلي كل الي انا عملته,و لا حتى حتة بت مفعوصة زي دي.
شادي: يا ماما انتي كل ما تشوفيني بكلم بنت تعمليلي كده, انا حر, انا كبرت ومسئول عن نفسي.
الام: لما تبقى تصرف على نفسك, يبقى ساعتها تقول انا مسئول , انت فاهم, لكن قبل كدة لأ.
شادي: ياربي ارحمني, دا بابا مبيعملش معايا كده.
قالت الام بدهشة.
الام: انت بتزعقلي عشانها؟, دلوقتي ابوك بقى احسن مني, هو هيخاف على مصلحتك قدي؟ ,ولا عارف انت بتعمل ايه ومبتعملش ايه؟.
تراجع شادي عن كلامه في سرعة حين رأى غضبها.
شادي: والله ما قصدي يا ماما, انا اسف, انتي عارفة كويس انك اهم حاجة في حياتي كلها.
الام: ولما انا اهم حاجة مبتسمعش كلامي ليه؟.
شادي: منا سمعت كلامك وسبت هايدي, عايزة ايه تاني؟.
الام: انت كمان مكنتش عايز تسيبها؟, دي يا ابني كانت كل يومين تجيلك تحت البيت, هو فيه بنات كده.
شادي: والله يا ماما ندى دي غير هايدي خالص, انتي متعرفيهاش, لو عرفتيها هتحبيها.
الام: انا بحب ابني وعارفة مصلحته, وهو لو بيحبني هيسمع كلامي.
شادي: حاضر يا ماما ان شاء الله.
الام: انت بتقولي كده وخلاص.
شادي: خلاص بقى يا فريدة متزوديهاش.
الام: ماشي يا لمض, ربنا يستر عليك يا حبيبي انت وكل الشباب الكويسين الي زيك, ويبعد عنكو البنات والفشل يارب.

موضوع: رد: يوميات ندى وشادى 15/8/2011, 5:42 pm

الحلقه العاشره

سار شادي بجانب ندى في الشارع, بعد خروجها من الدرس,بينما سارت هي متباعدة قليلا شاعرة بشيء من الحرج.
ندى: انت كنت فين امبارح؟.
شادي: كنت عند عمتي.
ندى: طب مكلمتنيش ليه؟.
شادي: كنت مشغول يا ندى, مخدتش بالي.
ندى: يعني مخدتش بالك تبعتلي حتى مسدج تطمني عليك؟, انا قعدت استنى طول الليل , وبعد ماروحت متكلمتش برضه.
تذكر شادي كيف حاصرته امه في البيت لكي لا يستطيع الافلات والتحدث معها.
ندى: اديك بتنساني اهه, وانت لما انا بنساك بتعملي شغلانة, وبتبقى خناقة.
شادي: يا حبيبتي انا مقدرش انساكي, انا بس اتشغلت عنك شوية, معلش مش هتحصل تاني.
قالت ندى بحزن.
ندى: ياريت.
فقال بقلق.
شادي: مالك يا ندى؟.
ندى: انا خايفة يا شادي, خايفة تكون مبتحبنيش وتعمل زي ما عملت في هايدي, وتهملني وتسيبني , وانت عارف ان انا بقيت بحبك خلاص, تقوم تقوى عليا.
شادي: لا والله يا نودي , انا بحبك جدا ومقدرش اني اقوى عليكي.
صمتت ندى واطرقت برأسها ,فدنا منها شادي , ومد كفه برفق ليلمس كفها, فارتعشت هي في باديء الامر, ثم تركته يمسك كفها, سارا فترة دون حديث, الى ان قالت ندى.
ندى: شادي, اوعى لما تروح الكلية تحب واحدة تانية.
شادي: انتي مالك ياندى خايفة مني كده ليه؟.
ندى: انا مش خايفة منك, انا بس.........هوووف.
شادي: قولي يا ندى الي في بالك, قوليلي اي حاجة انتي بتفكري فيها , متخافيش مني, انا عايزك تعتبريني كل حاجة, صاحبك واخوكي وحبيبك, انا عايز اكون اقرب حد ليكي في الدنيا يا ندى.
صمتت ندى قليلا ثم قالت.
ندى: انا خايفة من اي حاجة ممكن تسيبنا بعض, خايفة لتزهق مني ومن الدبش بتاعي في الكلام.
شادي: يا حبيبتي محدش بيزهق ابدا من الصراحة.
ندى: حتى لو لقيت في الكلية بنات احلى مني؟.
ضحك شادي.
شادي: انتي عسل يا حبيبتي والله.
ندى: انا خايفة بعد ما تكون انت كل حاجة في حياتي تبعد عني.
ضغط على كفها برفق وقال برقة.
شادي: متخافيش يا حبيبتي انا مش هسيبك ابدا ابدا ابدا.
قالت ببرائة.
ندى: حتى لو موتوك؟.
ضحك.
شادي: حتى لو موتوني.
ندى: حتى لو باباك مش عايز؟.
شادي: حتى لو بابايا مش عايز؟.
ندى: حتى لو مامتك مش عايزة؟.
شادي: وبعدين بقى يا ندى ,انتي هتعديلي الاحتمالات كلها, مش هسيبك يا ستي, مش هسيبك , انا بموت فيكي انتي ,معنديش مشكلة اموت عشانك, لاني لو بعدت عنك اصلا كده كده هموت.
*********************
دخلت ندى بيتها لتجد هايدي جالسة مع اختها في حجرتهما ,بمجرد ان دخلت التفتت اليها هايدي تنظر لها شذرا.
ندى: هاي يا ديدو, ازيك.
هايدي: احسن منك.
قالت ندى بقلق.
ندى: مالك؟.
هايدي: مش طايقاكي.
ندى: ليه يعني؟.
التفتت تهتف بها.
هايدي: ولما انتي ماشية مع الزفت الي اسمه شادي يا معفنة, مقلتليش ليه, وسايباني قاعدة اتكلم قدامكو واقول بارد ومش بارد, ومبيعبرنيش, انتي واختك الزبالة دي.
انزعجت ندى.
ندى: وانتي ايه الي عرفك؟.
ونظرت الى اختها بغضب, فقالت هالة في سرعة ممازحة.
هالة: والله العظيم ماقلتلها حاجة, هي الي شافتكو يا فالحة ماشيين على اول الشارع وهي جاية, ماسكين ادين بعض.
احمر وجه ندى خجلا, وهي تسمع الوصف.
ندى: ياسلام؟.
هايدي: انا شادي بتاعك دا ميلزمنيش في حاجة, بس انتي طلعتي واطية, واختك واطية , ومعرفتونيش يا جزم, بس, على العموم يغور بمامته, دي ست فظيعة هتطلع عينك ان شاء الله, وهو كمان عيل خنيق.
ندى: بس يا هايدي متتكلميش عليه كده لو سمحتي.
وخرجت من الغرفة في غضب لتدخل غرفة نسمة, فقالت هايدي في سخرية.
هايدي: مالها دي؟.
هالة: اسكتي لحسن بتحبه بجد بهبلها دا كله.
هايدي: هي الي جابته لنفسها , والله امه دي ما تتعاشرش.
هالة: سيبك منها, احكيلي ايه اخبار حمادة.
هايدي: اسكتي مش شفت امنية امبار قدام ماك.
بينما في هذه الاثناء قالت نسمة لندى.
نسمة: مالك ؟؟.
جلست على طرف السرير تبكي.
ندى: هايدي عرفت ان انا وشادي بنحب بعض.
قالت نسمة بسخرية.
نسمة: ما كل الدنيا عرفت , وماما عرفت , ومش بعيد يجوزوكو لبعض عشان يلمو الفضيحة اصلا.
ندى: بس يا نسمة, انا مش ناقصة تريأة, واختك الغبية دي كمان وصاحبتها, طيب يا هالة, انا مش هحكيلك حاجة تاني ابدا.
نسمة: يعني هتبقي تحكيلي انا؟.
ندى: ولا هحكيلك انتي كمان عشان انتي برضه بتعدي تغلطيني.
نسمة: يا سبحان الله , انتي مش عايزة حد ينصحك ابدا؟, انتي عايزة تعيشي في الدنيا لوحدك؟.
اكملت ندى في مكابرة.
ندى: ايه يعني لما احب شادي؟, ما كل الناس بتحب, انا كان نفسي احب من زمان, وبحب شادي, ايوة بحبه, ولا انتي ولا هايدي ولا حد هيخليني اسيبه انتو فاهمين؟.
وقامت بعصبية تغادر غرفة نسمة التي قالت.
نسمة: ايه المجنونة دي هو حد كلمها؟.
*******************
هاني: هي مش ندى دي الي اختها نسمة؟.
شادي: ايوة.
هاني: الحلوة ام عنين عسلي فاتح دي؟.
شادي: باين ,انا مشفتهاش اوي, مخدتش بالي.
هاني: هي تينشن اوي بس حلوة, متظبطني يا شود.
شادي: لا ياخويا انا ماليش دعوة بيك.
هاني: ايه يعني, ظبطني.
شادي: ياد يخرب بيت سنينك انت لسه صغير, وبعدين امك لو عرفت هتطين عشتك وعيشتي, انت ناسي عملت فيا ايه عشان ندى.
هاني: وهي ايه الي هيعرفها بس.
شادي: اهي امك دي عاملة زي امن الدولة, بتعرف كل حاجة متعرفش ازاي؟.
ضحك هاني وهو يقول.
هاني: فاكر لما قفشتك بتدخن فوق السطح , وقلبت الدنيا فوق دماغك شهرين, وكنت هتموت وتعرف ايه الي عرفها انك فوق.
شادي: بس يازفت متفكرنيش,اعوذ بالله, بس انا كنت صغير وقتها, انا دلوقتي كبير وحر, ومش كل شوية تحرجني مع بنت كده, انا مبقتش عيل .
هاني: انا بقى عيل, تحرجني زي ماهي عايزة, على الاقل اعرف اخلع براحتي من البنات.
شادي: يا شيخ روح, اصلك فاضي وهايف.
هاني: مقلتليش برضة هتظبطني ولا لأ؟.
شادي: مفتكرش البت ترضى اصلا.
هاني: ليه يا بني؟ ,دانت اخوك جامد برضة.
شادي: هبقى اشوف.
هاني: انت بتحب البت الي اسمها ندى دي بجد؟.
شادي: ايوة.
هاني: بجد ؟؟.
شادي: ايوة بجد ,ايه الغريب في كده؟.
هاني: مش عارف, حاسس انكو مش لايقين على بعض.
شادي: بالعكس ,انا ماستريحتش في حياتي مع بنت زي ما استريحتلها, انا فعلا بحبها يا هاني, ومفيش حد ممكن يبعدني عنها.
هاني: حتى ماما؟؟؟؟.
شادي: .....مش عارف, بس مفتكرش برضة.
هاني: ربنا يبعد عننا ماما دي الي واقفلنا في كل حاجة.

واددددددى العشره عيشى يانوووووووووودى Laughing

موضوع: رد: يوميات ندى وشادى 15/8/2011, 6:02 pm

اشطة....اللى بعده بقا Very Happy

موضوع: رد: يوميات ندى وشادى 15/8/2011, 6:24 pm

انا بجد نفسى اقراه جدا طب مش ممكن تحكولى انتوا الملخص وخلاص ولو فيها تعب يعنى هيهيهيهى Razz

موضوع: رد: يوميات ندى وشادى 15/8/2011, 7:08 pm

لا يجودى..اقريها زى منا قريتها Razz

موضوع: رد: يوميات ندى وشادى 15/8/2011, 7:35 pm

e7m e7m eh ele7rag dh

ma hia 3shan nada ba2a ya 3am ma7dsh 2dk lazem t2reha

bas hia kbera awyyy

موضوع: رد: يوميات ندى وشادى 15/8/2011, 7:44 pm

افتحيها على جوجل واقرى حلقة حلقة...سهلتهالك اهو...انا من امبارح للنهاردة قريت لغاية الحلقى ال 17 lol!

موضوع: رد: يوميات ندى وشادى 15/8/2011, 11:38 pm

يلا ياميماااااااااااااا....اللى بعده Laughing

موضوع: رد: يوميات ندى وشادى 16/8/2011, 1:17 am

مش انتى بتقريها ع النت انتى ناوية تغلبينى يابت وخلاص

موضوع: رد: يوميات ندى وشادى 16/8/2011, 6:11 pm

هههههههههه حلوه ياندوش ايوه اتعبيها اتعبيها وخلاص

موضوع: رد: يوميات ندى وشادى 16/8/2011, 9:12 pm

انا هحكيهالك ياجودى وامرى لله
بصى ياستى ندى وشادى كانو جيران وهما صغيرين وندى كانت مستقوية نفسها عليه وبتضربه هههههههههههه
ولما كبرو مبقوش يعرفو حاجه عن بعض مش ف دماغهم اصلا وهى كانت بتقول عليه رخم اصلا وهو فعلا رخم وغتت اوى
شادى ده جه لبابا ندى يشرحلهم علشان يقدموا ف هندسه واخت ندى هالة زميلة شادى وهايدى دى صاحبة هاله اخت ندى
بس بت بقا ولاد الدنيا والاخره عرفوها تيك اوى يعنى وكانت هايدى دى راميه بلاها ع شادى وهو مكنش بيطقها اصلا وندى ليها اخت اسمها نسمة اصغر منها البت دى دماغها جامده ومش كان عاجبها صحوبية اخواتها البنات مع الولاد وبتقول ان الحب لازم يكون رسمى ومكنش عاجبها اسلوب مامتها الغلط ولما حبت تتحجب كلهم قعدو يبهدلوها بس برضو هى ثابتة ع موقفها بت دماااااااااغ بجد
وكل الى حصل ان ندى وشادى قربو من بعض وحبو بعض بقا ومامة ندى دى عارفه هى ماتها سبور شوية ومامة شادى لما عرفت خنقته
هى اصلا ست فوق الفظيع اكتر من ابنها كمان وواقفه زى اللقمه ف الزور ومش عاوزة شادى يكلم حد ولا كده وكانت بتهزق ندى كتير بكلام من تحت لتحت
دى حاجه كده بس بسيطة تفهمى منها القصه وابدأى اقرى بقا وهتعجبك الاحداث

موضوع: رد: يوميات ندى وشادى 16/8/2011, 10:00 pm

اشطاات عليكى ياميمتى ياقمر والله تعبتى نفسك انا كنت بهزر اصلا هيهيهيههي
بس والله لذيذه كده اغرتينى انى اقراها بس لما اخلصها بقه فيها سنتين Razz

موضوع: رد: يوميات ندى وشادى 16/8/2011, 10:45 pm

انا بقراها بقالى تلت سنين

موضوع: رد: يوميات ندى وشادى 17/8/2011, 10:49 am

هههههههه يالهنى اعتبر ده رفع معنويه يعنى انى ممكن اقراها

موضوع: رد: يوميات ندى وشادى 17/8/2011, 5:58 pm

اكيد

موضوع: رد: يوميات ندى وشادى 18/8/2011, 3:23 am

انا بتهيألى لو فكرت اقرا القصه دي هيغمن عليا يا اما هيجيلي شلل Very Happy

موضوع: رد: يوميات ندى وشادى 18/8/2011, 3:25 am

انا هقولك اخرها اتجوزو وندى بقت حامل وبس Laughing

موضوع: رد: يوميات ندى وشادى 18/8/2011, 5:06 am

قريتوا فيهاعنيا بااااااااااااااااااااظت ومبقتش بشوف حاجة الا لما بحط قطرة Sad

موضوع: رد: يوميات ندى وشادى 18/8/2011, 5:16 am

هههههههههههههههههههههههههه
انتى الى جبتيه لنفسك Laughing

موضوع: رد: يوميات ندى وشادى 18/8/2011, 5:20 am

ربنا يسامحك ياميما..... Sad

موضوع: رد: يوميات ندى وشادى 18/8/2011, 10:37 am

هههههههه كويس انك مش بيغمن عليكى زى ميسى ياندوش

موضوع: رد: يوميات ندى وشادى 18/8/2011, 5:23 pm

لا انا قدها وقدود برضه:d

موضوع: رد: يوميات ندى وشادى 19/8/2011, 2:59 pm

طبعا احنا ورانا ندى Laughing

موضوع: رد: يوميات ندى وشادى 20/8/2011, 8:03 pm

طب بصى بقا عشان بجد انا تعبانة موووووووووت الايام دى ومبقتش بقرا حاجة فيها...قوليلى اخر القصة دى ايه؟

موضوع: رد: يوميات ندى وشادى 20/8/2011, 8:20 pm

اتجوزو وندى بقت حامل وبس

موضوع: رد: يوميات ندى وشادى 20/8/2011, 9:03 pm

حامل فى ولد ولا فى بنت Very Happy

موضوع: رد: يوميات ندى وشادى 21/8/2011, 3:21 am

لسه مبنش

» يوميات زوج مخنوق و طهقان !!!